Die 1%-Klub kom binnekort na kykNET!

Die 1%-klub is ’n splinternuwe vasvraprogram waar 100 deelnemers die kans kry om hul breinkrag behoorlik op die proef te stel. Dit gaan nie oor wat jy op skool geleer het of jou vermoë om feite te memoriseer nie – die vrae in hierdie program is gemik op logika, raaisels en kopkrappers! Enigiemand wat tot die einde kan deurdring en ’n vraag reg beantwoord wat slegs 1% van Suid-Afrika korrek gekry het, kan tot en met R100,000.00 wen.
Jy kan ook saam met ’n vriend of familielid aansoek doen! Maak net seker julle voltooi afsonderlike aansoekvorms en dui daarop aan saam met wie jy inskryf. Indien julle gekies word, sal julle egter steeds as individue teen mekaar speel.


DIE PROSES
Sodra jou aansoek hersien is en ons keurpaneel jou vir die program wil oorweeg, sal jy ’n e-pos met die volgende stappe ontvang.
Daar is twee moontlike roetes:

1. Jy ontvang ’n e-pos van ons vervaardigers as hulle ’n Zoom-onderhoud wil reël om jou beter te leer ken.
2. As jou video-inskrywing van só ’n goeie aard was dat ons nie enige verdere vrae vir jou het nie, kan jy dalk die Zoom-onderhoud oorslaan en direk na die volgende fase beweeg. Ons koördineringspan sal dan ’n deelnemersooreenkoms en ’n vorm vir ’n agtergrondondersoek vir jou stuur. Sodra jy die voltooide vorms teruggestuur het, sal die span jou kontak om jou skedule en verfilmingsbesonderhede te bespreek.

• Die aansoekproses open om 09:00 SAST op 20 April 2026 (“Openingsdatum”) en sluit om 23:59 SAST op 22 Mei 2026 (“Sluitingsdatum”).
• Aansoeke wat ná die Sluitingsdatum ontvang word, sal nie oorweeg word nie. Aansoekvorms en materiaal word nie teruggestuur nie.
• Jy (of jou nabye familie) mag nie deel wees van die vervaardigingspan of verbind wees aan enigiemand wat by die program betrokke is nie.
• Jy mag geen vorige skuldigbevindings vir enige ernstige misdryf hê nie.

• Tydens jou deelname kan jy spontaan agter die skerms verfilm, opgeneem en gefotografeer word, met min tot geen privaatheid nie.
• Dit is jou verantwoordelikheid om vooraf die nodige reëlings met jou werkgewer en familie te tref rakende jou deelname aan die program.
• Indien jy as deelnemer gekies word, sal jy ’n deelnemerspakket van die vervaardigers ontvang wat jy moet voltooi. Dit sal onder andere vrystellings-, vertroulikheids- en vrywaringsvorms insluit.
• Die vervaardigers mag ’n agtergrondondersoek doen wat insluit dat jou kriminele rekord nagegaan word.
• Die vervaardigers behou die reg voor om veranderinge aan die produksieskedule of aansoekproses na hul eie goeddunke aan te bring.

Klik op "Dien in" om jou aansoekvorm te laai.